MISIONI
Mbështetja e studentëve për zhvillimin e njohurive dhe shkathtësive për punësim, për përvojë pune gjatë studimeve, informata për tregun e punës, qasje në informata për studime, trajnime, seminare, ligjërata dhe aktivitete tjera.
VIZIONI
Shndërrimi i QZHK-së në një pikë referimi për studentët, por edhe për kompanitë, organizatat dhe institucionet që e shohin bashkëpunimin me UIBM si mundësi zhvillimi dhe interesi reciprok.
LAJME DHE NGJARJE
Rreth Qendrës për Zhvillim të Karrierës
Qendra për Zhvillim të Karrierës (QZHK) është themeluar me vendim të Këshillit Drejtues të Universitetit
të Mitrovicës “Isa Boletini”, me qëllim të mbështetjes së studentëve dhe alumni në planifikimin dhe
zhvillimin e karrierës së tyre profesionale.
QZHK shërben si pikë ndërlidhëse ndërmjet studentëve, universitetit dhe tregut të punës, duke ofruar
këshillim profesional, trajnime praktike dhe informim për mundësi punësimi, praktike, bursa dhe zhvillim
profesional.
Nëpërmjet aktiviteteve dhe shërbimeve të saj, QZHK synon të rrisë punësueshmërinë e studentëve dhe
t’i përgatisë ata për një tranzicion sa më të suksesshëm nga studimet në tregun e punës.
Shërbimet tona
Këshillim dhe Planifikim i Karrierës
Ofrimi i këshillimit individual dhe në grup për studentët dhe alumni, me fokus në identifikimin e interesave dhe aftësive profesionale, planifikimin e karrierës dhe mbështetjen në vendimmarrje për studime dhe punësim.
Praktika, Punësim dhe Mundësi Ndërkombëtare
Ndërlidhje e studentëve dhe alumni me kompani, institucione dhe organizata për praktika profesionale dhe punësim, si dhe informim dhe këshillim për bursa dhe mundësi të ndryshme zhvillimi profesional.
Orientim, Trajnime dhe Zhvillim Profesional
Mbështetje për njohjen me tregun e punës përmes informimit mbi profesionet dhe sektorët e ndryshëm, si dhe organizimit të trajnimeve dhe punëtorive praktike për CV, letër motivimi, intervistë pune dhe zhvillimin e aftësive të buta.
Alumni dhe Bashkëpunim me Tregun e Punës
Bashkëpunim i vazhdueshëm me rrjetin Alumni të UMIB-it për ndarjen e përvojave profesionale, mentorim për studentët dhe forcimin e lidhjes ndërmjet universitetit dhe tregut të punës.
Aktivitetet e qendrës
Panaire të Karrierës dhe Punësimit
Organizim i panaireve fizike dhe virtuale të karrierës me pjesëmarrjen e punëdhënësve dhe institucioneve të ndryshme.
Ngjarje me Alumni dhe Punëdhënës
Sesione informuese, ligjërata dhe diskutime me profesionistë dhe alumni të suksesshëm.
Takime Këshilluese
Takime të dedikuara për këshillim rreth karrierës, praktikës, bursave dhe mundësive të punësimit.
Trajnime dhe Punëtori Profesionale
Aktivitete praktike që synojnë zhvillimin e aftësive profesionale dhe përgatitjen e studentëve për tregun e punës.
GALERIA
